Post-testaren ondorioak

Joan den asteko lanaren emaitzak adierazi eta ondorioak ataratzeko unea da. Lehenik eta behin aipatu beharra dut, helburua inkesta 15 pertsonei bidaltzea zela, baina azkenean, 30 pertsonei bidali niela, askok ez zidatela erantzungo uste baituen. Horrela, aurreikusi nuena gertatu da eta 30 pertsonatik erdiak baino ez du inkesta burutu. Beraz, 15 pertsona horien erantzunetan oinarrituko naiz, iragarkiak izan duen eraginkortasuna eta arrakasta adierazteko.

Horrela, Voll Damm garagardoaren kanpaina berriaren “Doble o nada” iragarkia, inkestatuen herenak baino gutxiagok aipatu du azken aldian ikusitako iragarkien artean. Horrela, 3 pertsonak baino ez dute iragarki hau aipatu lehenengo galderan. Beraz, inpaktu globala orokorrean oso txikia izan dela esan genezake, hala ere, kanpaina berria den heinean, oraindik askotan ikusi ez dutela pentsatu genezake.

Arlo honetan, aipatzekoak dira inkestatuek gogoratzen dituzten iragarkiak zeintzuk diren eta are interesgarriagoa, lehiakideen zein iragarki gogoratzen duten. Horrela, “Hornos Pirolíticos, Fagor” (Arguiñano) iragarkia hiru aldiz agertzen da eta “ Infalible 24h, Max Factor” bi pertsonak aipatu dute. Beste guztiak, “Citröen”, “Nissan”, “Iberdrola” … ez dira errepikatzen.

Lehiakideen iragarkiak aztertuz, “Mixtarenak” oso presentzia handia dutela nabari da, izan ere, ia guztiek aipatu dute marka honetako iragarki bat edo beste. Era berean, “Heineken” eta “San Miguel” ere asko gogoratzen diren markak direla adierazten du inkestak, 9 pertsonek aipatzen baitituzte. Voll Dammi dagokionez, 4 pertsonak aipatu dute, beraz, ez izandako inpaktua ez dela handia esan genezake.

Voll Damm aipatu ez dutenei, iragarkiaren inguruko pista bat eman zaie, “normal” hitza behin eta berriz errepikatzen baita, iragarki gogorarazten laguntzeko. Honela, %68ak zein markari dagokion asmatu du, %21ak beste marka bat aipatu du eta %11ak ez du erantzun.

Mezuaren ulerkuntzari dagokionez, erantzun duten guztiek iragarkiak helarazten duen mezua ondo jaso dute, izan ere, denek uste dute iragarkiak adierazi nahi duena Voll Damm garagardo berezia dela da. Baina, iragarkiaren ezaugarriak aztertzerako orduan, aldiz, oso iritzi desberdinak agertu dira. Izan ere, askok ideia ona dela uste dute, baina beste askok gogaigarria dela uste dute, beraz, muturreko egoerak adierazten dira.

Ildo beretik, gehien gustatu zaiena ideia da eta gutxien musika, agian gogorregia iruditzen baitzaie. Hala ere, Voll Damm markarentzat iragarki egokia dela bat datoz denak eta iradokitzen diren baloreak askatasuna eta kaosa direla uste dute.

Iragarkiak inkestatuengan izandako eraginari dagokionez, ez da handia izan, ingurukoen artean ez baitu oihartzun handirik izan eta ez baitute iragarki honen inguruko hausnarketarik egin. Era berean, erosketa ohiturak ez direla aldatu ikusi ahal izan dugu, Voll Dammen kontsumitzaileak ez diren inkestatuak beraien betiko garagardoa erosten jarraitzen baitute.

Ondorioz, nahiz eta iragarkia berez ez gogoratu, erraz gogoratzen dutela esan genezake. Hasieran esan bezala, kontutan hartu beharrekoa da, kanpaina hau nahiko berria dela eta beraz, oraindik ez dela asko zabaldu.Voll Damm gargado berezia izatearen ideia zabaldu nahi duten heinean, marka honen iragarkiak ere berezia dira. Beraz, hau ez da salbuespena oso ideia originala baita eta jendeari asko gustatu baitzaio.

Hala ere, salmentei begira ez duela eragin handirik izan, inkestatuek ez baitituzte erosketa ohiturak aldatu, baina, markaren presentzia indartzea lortu dutela esan genezake, gehienek laguntza apur batekin iragarkia berez gogoratzen baitute eta baita marka ere. Era berean, iragarki honen bidez, beraien nortasunaren isla den ideia eta baloreak hartzaileengana modu egokian heldu direla ikusi ahal izan dugu.

Beraz, mezua oso ondo zuzentzen eta helarazten duen iragarkia da, Voll Damm markaren iragarkien ukitu berezi eta propio duelarik.

Post- test bat nola garatu

1- Kanpaina aukeratu: Voll Damm, “Doble o nada” iragarkia da post-test hau egiteko aukeratu dudana. Izan ere, nahiko berria den kanpaina da eta niri dagokidanez, oso iragarki originala iruditzen baitzait.

2- Targeta aukeratu:

• Sexua: Emakume eta gizonak
• Adina: 18-50
• Eros-ahalmena: erdi mailako jendea

Gure xede taldea, 18-50 urte bitarteko pertsonak osatzen dute, adin tarte honetako pertsonak baitira, orokorrean, garagardoa edaten dutenak. Horrela, maila sozioekonomikoari dagokionez, erdi mailako jendetik gorakoak izango dira gure xede taldea, Voll Damm garagardo marka desberdinetatik garestienetarikoa baita.

3- Sarrera:

Gure ikerketaren helburua, Voll Damm markaren azken kanpainaren eraginkortasuna eta arrakasta aztertu nahi dugu, baita, kontsumitzaileari zer iradokitzen dion. Horrela, iragarkia gure targetarengana iritsi den, gustukoa izan den eta gure komunikazio helburua bete den aztertuko dugu.

Hau egiteko kontutan hartuko dugun xede taldea, gure kontsumitzaileak direnak eta ez direnak osotuko dute. Izan ere, kontsumitzailea izan ez arren, gure targetekoen ezaugarriak izan ditzakete eta iragarkia ikusi arte baliteke gure marka ez ezagutzea eta ordutik aurrera gure produktua kontsumitzea. Hori dela eta, bai kontsumitzaile eta bai orain arte kontsumitzaileak ez direnak aztertuko ditugu, hauengan kanpainak izan duen eragina neurtzeko.

Beraz, ikerketaren bidez, kanpaina gure xede taldekoengana iritsi den, honek kontsumitzaileengan eraginik izan duen garagardoa erosterakoa orduan eta gustukoa izan den. Era berean, garrantzitsuena gure mezua ulertu den aztertzea izango litzateke, kanpaina, horren inguruan egin, sortu baita eta horren bidez neurtu baitezakegu markak duen komunikazio ahalmena. Izan ere, gure mezua ez bada ulertu, komunikatzerako orduan, akatsen bat egon delako izango da.

4- Metodologia:

Gure helburuak neurtzeko erabiliko dugun metodologia, internet bidez eginiko inkesta izango da. Horrela, gure xede taldea osatzen duten 15 pertsonari bidaliko diegu inkesta posta bidez. Inkesta, kualitatiboa izango da, gure helburua iragarkiak izandako eragina eta honek iradokitutakoa aztertzea baita, beraz, erantzun sakoneko arrazoiak eta jarrerak ezagutu nahi ditugu, bere ibilbide pertsonal eta esperientzia propioetan oinarrituta.

Honen luzera 15 galderakoa izango da eta erabilitako galderak mota askotarikoak izango dira. Horrela, hasteko, sarreratxo batekin hasiko gara, izotza apurtzeko eta gaia aurkezteko. Horrela, elkarrizketatua girotu eta nolabaiteko hurbilketa lortuko dugu.

Gero harira joango gara eta galderak egingo ditugu. Galdera motari dagokienez, erantzunen arabera galdera itxiak, irekiak eta mistoak egingo dira, hauek dikotomikoak eta multikotomikoak izango direlarik, galderaren arabera. Informazioaren arabera, sarrerako galdera bat egingo dugu giro ona sortzeko eta galdera iragazkiak eta iragazitakoak erabiliko ditugu.

× Inkestaren aurkezpena:

1- Zein iragarki ikusi dituzu azken astean?

2- Zein garagardo iragarki ikusi dituzu?

3- (Voll Dam aipatu ezean) Ez al duzu gogoratzen garagardo iragarki bat “normal” hitza behin eta berriz errepikatzen dena?
a) bai
b) ez (ezezkoa bada amaitu da inkesta)

4- Baiezkoa bada, zein markari dagokio iragarki hori?

5- Zein mezu helarazten du iragarkiak?
a) Voll Damm edaten dutenak arraroak dira
b) Voll Damm edaten ez dutenak arraroak dira
d) Voll Damm garagardo berezia da
c) Voll Damm garagardo modernoa da

6- Zer iruditzen zaizu iragarkiko ideia?
a) ona b) gogaigarria c)berezia d) ______

7- Zer da gutxien gustatzen zaizuna?
a) musika
b)ideia
c) slogana
d) _______

8- Eta gehien?
a)musika
b)ideia
b) slogana
d) _______

9- Ze balore iradokitzen dizkizu?
a) Askatasuna
b) zorakeria
c) Kaosa
d) _____

10- Voll Damm markarentzat iragarki egokia dela uste ala duzu?
a) bai b) ez

11- Ezezkoa izanez gero, zergatik?
a) mezua ez da ondo ulertzen
b) ideia ez da egokia
c) _______

12- Zure ingurukoen artean honi buruz hitz egin al duzue?
a) bai
b) ez

13- Baiezkoa izanez gero, zein izan da honekiko jarrera orokorra?
a) positiboa

b) negatiboa

14- Voll Damm kontsumitzen ahal duzu?
a) bai
b) ez

15- Ezezkoa bada. Eraginik izan al du iragarkiak zure erosketa ohituretan?
a) bai, orain Voll Damm edaten dut
b) ez, nire betiko garagardoa erosten dut

Pulsa aquí para contestar una encuesta

Eficacia Sariak

Eficacia sariak, “Espainiako Iragarleen Elkarteak” antolatzen duen jaialdia da. Horrela, hauen helburua iragarkien eraginkortasuna saritzea da, beraz, ez du kreatibitatearekin zer ikusirik.

Ekintza hau, 1997. urtean ospatu zen lehenengo aldiz, ordutik ona berean dirauela ikusi genezake eta urterik urtera oihartzun handiagoa ari dela. Hau horrela izanik, oso sari garrantzitsuak dira, iragarleek aukeratzen baitituzte eta iragarkiak izandako eraginkortasuna saritzen baitute. Hau da, marka batek, egindako kanpainari esker, aldez aurretik finkatutako helburuak betetzea saritzen da.

Honetarako, hainbat faktore hartzen dira kontutan, inbertsioaren berreskurapena eta zailtasuna besteak beste. Era berean, aipatzekoa da, lortutako eraginkortasuna frogagarriak diren datuekin egiaztatzen dela, beharrezkoak diren froga guztiak aurkeztuz.

Beraz, saria hauek kanpaina on bat egitearen emaitza dira, saria jasotzeak beraien helburuak betetzearen adierazgarria baitira. Ondorioz, jaialdi honek iragarleari balio erantsi bat ahalbidetzen die, sektorean nolabaiteko notorietatea lortuz. Izan ere, marka batek Eficacia saria irabaziz gero, merkatuan ere nolabaiteko indarra duela adierazten da. Era berean, lehiakideei dagokienez, prestigioa edo hala nola handitasun maila ere lortzen du, besteek lortu ez dutena lortu baitu.

Horrela, publizitatearen munduari dagokionez, pisu handiko sariak dira, ez horrenbeste saria jasotzeagatik, baizik eta hori jasotzea ahalbidetu duenagatik baino. Hau da, sari hau irabazteak marka horren presentzia garrantzitsua dela adierazten du eta bere targeta harrapatzeko gai izan dela. Beraz, bere helburua erabat edo zati handi batean bete dela adierazten du, hau izanik, funtsezkoena kanpaina batetan. Hala ere, saria izateak ere bere garrantzia du, lehiakideei begira, arrakasta izan duena saritua baita.

Ondorioz, Eficacia sariek merkatuarekin eta lehiarekin oso lotuta daude. Izan ere, sari hauen bidez, lehiakideen arrakastak eta norbere porrotak eta alderantziz, argi ikusten baitira. Era honetan, etorkizunera begira lehiakideak gainditzeko motibazioak handitu egiten dira eta sektorearen inguruko publizitatearen inguruan hausnarketak egiteko aukera ematen da. Azken hau, norbere helburuak betetzeko lagungarri suertatu daitekeelarik.

Ildo honetatik, interesgarria litzateke 2009ko Eficacia sariak eta urte horretako iragarleen inbertsio rankinak alderatzea. Horrela, datuak nahiko harrigarriak direla uste dut, izan ere, rankina osatzen duten 20 iragarleetatik Telefonica eta El Corte Inglesek baino ez dute Eficacia saria eskuratu, hau da, bik baino ez. Beraz, publizitatean inbertitutako diru kantitatea eta publizitate horren eraginkortasuna aldagai independente bi dira, ondorioz, kantitateak ez du eraginkorra izatea ahalbidetzen.